Tashkent Index ulkan savdo va ishlab chiqarish majmuasining ochilishi munosabati bilan 27, 28 va 29-mart kunlari tantanali bayram tadbirlari bo‘lib o‘tadi.
Go‘zal diyorimizga bahor kirib keldi. Barchamiz uchun eng quvonchli va eng kutilgan fasl! Bahor nafaqat muloyim quyosh tafti va daraxtlardagi birinchi kurtaklar, uyqudan keyin tabiatning o‘zgarishi, balki eng yaxshi va ajoyib bayramlar hamdir.
Tashkent Index majmuasi bahorni o‘zgacha shukuh bilan qarshi olishga chorlaydi va ajoyib yangilikni e’lon qiladi. 27-mart kuni Toshkent shahri aholisi uchun xaridlarni amalga oshirish va maroqli hordiq chiqarish mumkin bo‘lgan asosiy joylardan biri — Tashkent Index ulkan tijorat majmuasining tantanali ochilish marosimi bo‘lib o‘tadi.
Tashkent Index majmuasidagi bayram tadbirlari 27-martdan 29-martgacha o‘tkaziladi. Bolalarni, kattalarni hamda barcha mehmonlarni birdek quvontiruvchi qiziqarli ko‘ngilochar dasturlar, taklif qilingan artistlarning chiqishlari, musiqiy shou, uch kun davomida shodlik va bayramona muhit kutib qoladi.
Majmuaning tantanali ochilish marosimida mehmonlarni yorqin his-tuyg‘ularga boy bo‘lgan ko‘ngilochar dasturlar kutib qoladi:
- Avaz Oxun, Zohirshoh Jo‘rayev, “VIA Maroqand” guruhi ishtirokida konsert dasturi bo‘lib o‘tadi;
- bayram oshi tayyorlanadi;
- milliy musiqa konserti tashkil etiladi;
- animatorlar va illyuzionistlar shoulari namoyish etiladi.
Kechki vaqtda ham Tashkent Index’da bayramona kayfiyat hukm suradi. O‘zbekiston xalq artisti Yulduz Usmonova, Shohruhxon va Umidaxon xonandalar hamda “Million” guruhi ishtirokida konsert dasturi bo‘lib o‘tadi. Kun yakunida ajoyib va muhtasham mushakbozlik bo‘lib o‘tadi.
Bayram tadbirlari 28-mart, dushanba kuni ham davom ettiriladi. Bayramning ikkinchi kunida turli o‘yinlar, ko‘ngilochar tomoshalar uyushtiriladi. Tashkent Index sahnasida Munisa Rizayeva, Shohruh, Zohida xonandalar va “Aristokratlar” guruhi ishtirokida konsert bo‘lib o‘tadi.
Bayramning uchinchi kunida Tohir Sodiqov va Ziyoda kabi xonandalar, “Dizayn” va Di Live guruhlari ishtirokida musiqiy-ko‘ngilochar dastur bo‘lib o‘tadi.
Hech shubhasiz, Tashkent Index majmuasining tantanali ochilishi mart oyining eng yorqin va unutilmas tadbirlaridan biriga aylanadi.
Tashkent Index majmuasi haqida
Tashkent Index — bu Yangihayot tumanida joylashgan 72 gektarli yirik industrial biznes park. Ulkan majmua hududidan ishlab chiqarish maydonlari, 3 000 dan ortiq savdo do‘konlari, kichik ishlab chiqarish maydonlari, restoranlar, fudkortlar, ekspomarkaz, mehmonxona, logistika markazi va boshqa obyektlar o‘rin oladi. Majmua hududida zamonaviy infratuzilma yaratilmoqda, bu esa ishlab chiqarish, xizmat ko‘rsatish va kichik tadbirkorlik rivojlanishiga ijobiy ta’sir qiladi.
Ochilish marosimi haqida batafsil ma’lumot olish uchun Tashkent Index axborot markazi, veb-sayt yoki ijtimoiy tarmoqlarga murojaat qiling.
Rasmiy ochilish marosimining bo‘lib o‘tish sanasi: 2022-yil 27, 28 va 29-mart kunlari
Manzil: Toshkent shahri, Yangihayot tumani, Sofdil ko‘chasi
Axborot markazi:
+99899 332 33 33
+99855 900 99 99
Sayt: http://tashindex.mimar.uz
Telegram: t.me/tashkentindexuz
Facebook: fb.com/tashkentindex
Instagram: tashkentindex
Reklama huquqi asosida.
Izoh (0)