Yo‘l ta’mirlash ishlari sababli Alisher Navoiy shohko‘chasi va Abay ko‘chasi qisman yopiladi, deb xabar bermoqda Toshkent shahar hokimligi matbuot xizmati.
Ma’lum qilinishicha, 21-mart kuni soat 21:00 dan 24-mart soat 06:00 gacha:
- Alisher Navoiy shohko‘chasi Vebster universiteti yaqinidagi svetofordan 31-uygacha bo‘lgan oraliqda;
- Abay ko‘chasi “Alisher Navoiy” metro bekatidan Abdulla Qodiriy ko‘chasi bilan kesishmasigacha transport vositalarining harakati to‘xtatiladi.
Eslatib o‘tamiz, 2022-yilda Toshkent shahridagi ko‘chalarni tartibga keltirish rejasiga muvofiq, 14-fevral kuni Alisher Navoiy ko‘chasida ta’mirlash ishlari boshlangandi. Shohko‘cha tirbandliklarni kamaytirish, haydovchilar hamda piyodalarga qulaylik yaratish maqsadida rekonstruksiya qilinadi. Bunda Navoiy—Labzak ko‘chasidan Navoiy—Beruniy ko‘chalarigacha bo‘lgan oraliq butkul ta’mirlanishi rejalashtirilgan. Loyiha ustida ishlash uchun rossiyalik taniqli urbanist va transport mutaxassisi Arkadiy Gershman taklif qilingan.
Yo‘l ta’mirlash ishlari doirasida 19-mart soat 21:00 dan 20-mart soat 06:00 gacha Navoiy shohko‘chasi Abay ko‘chasi chorrahasidan Sharof Rashidov shohko‘chasi chorrahasigacha yopilgandi.
Izoh (0)