Navro‘z bayrami munosabati bilan Toshkent shahri jamoat transportining ish vaqtiga o‘zgartirish kiritildi. Bu haqda “Toshshahartransxizmat” xabar qildi.
Qayd etilishicha, aksiyadorlik jamiyatining “Navro‘z umumxalq bayramini keng nishonlash kunlarida avtobus yo‘nalishlari faoliyatini tashkil etish to‘g‘risida”gi buyrug‘iga asosan, Navro‘z bayrami nishonlanishi munosabati bilan 21, 22, 23-mart kunlari jamoat transportini quyidagicha tashkil etish belgilangan.
Unga ko‘ra, 21-mart (dushanba), 22-mart (seshanba), 23-mart (chorshanba) dam olish kunlari hisoblanadi. Shu kunlarda harakat yakshanba kunlari uchun tasdiqlangan jadval asosida bo‘ladi. Yo‘nalishlardagi ish vaqtining tugashi bir soatga uzaytiriladi.
Eslatib o‘tamiz, Toshkent shahrida Yangi yil bayrami munosabati bilan ham jamoat transporti rejasiga o‘zgartirishlar kiritilgandi. 31-dekabr kuni avtobuslar ish vaqtining tugashi bir soatga uzaytirilgan.
Mavzuga doir:
Izoh (0)