Наврўз байрами муносабати билан Тошкент шаҳри жамоат транспортининг иш вақтига ўзгартириш киритилди. Бу ҳақда «Тошшаҳартрансхизмат» хабар қилди.
Қайд этилишича, акциядорлик жамиятининг «Наврўз умумхалқ байрамини кенг нишонлаш кунларида автобус йўналишлари фаолиятини ташкил этиш тўғрисида»ги буйруғига асосан, Наврўз байрами нишонланиши муносабати билан 21, 22, 23 март кунлари жамоат транспортини қуйидагича ташкил этиш белгиланган.
Унга кўра, 21 март (душанба), 22 март (сешанба), 23 март (чоршанба) дам олиш кунлари ҳисобланади. Шу кунларда ҳаракат якшанба кунлари учун тасдиқланган жадвал асосида бўлади. Йўналишлардаги иш вақтининг тугаши бир соатга узайтирилади.
Эслатиб ўтамиз, Тошкент шаҳрида Янги йил байрами муносабати билан ҳам жамоат транспорти режасига ўзгартиришлар киритилганди. 31 декабрь куни автобуслар иш вақтининг тугаши бир соатга узайтирилган.
Изоҳ (0)