Samarqand viloyatining Oqdaryo tumanida 2021-yilning 25-may kuni mast holda avtomobil boshqargani uchun 24 oy muddatga avtomobil boshqarish huquqidan mahrum bo‘lgan Damas haydovchisi yana avtomobil boshqarib, 12 yoshli qizni urib yubordi. Bu haqda “Daryo”ga viloyat IIB axborot xizmati xabar berdi.
Qayd etilishicha, 2022-yilning 11-mart kuni soat 18:30 da Oqdaryo tumani “Pichoqchi” mahallasi hududidan o‘tgan 4K—538 avtomobil yo‘lining 1-kilometrida shu yo‘nalishda harakatlanib kelgan Damas haydovchisi yo‘lni kesib o‘tayotgan 12 yoshli piyodani urib yuborgan.YTH natijasida tan jarohati olgan piyoda zudlik bilan Oqdaryo tuman shoshilinch tez tibbiy yordam bo‘limiga yotqizilgan. Biroq ko‘rsatilgan muolajaga qaramasdan voyaga yetmagan piyoda shifoxonada vafot etgan.
Hozirda holat yuzasidan tergovga qadar tekshiruv ishlari olib borilmoqda.
Izoh (0)