Xuan Martines Munuera “Real” va “Barselona” o‘rtasidagi o‘yinni boshqaradi. Bu haqda As xabar bermoqda.
Munuera o‘tgan mavsumda ham ushbu jamoalar o‘rtasidagi o‘yinda ishlagan, “Real” La Liganing 7-turi doirasida 3:1 hisobida g‘alaba qozongandi. O‘sha bahsda hakam “Real” foydasiga 11 metrlik jarima zarbasi belgilagan.
Ma’lumot uchun, Munuera boshqargan o‘yinlarda “Real” 18-marta g‘alaba qozongan, 6 bor durang o‘ynagan va 5 marta mag‘lubiyat alamini totib ko‘rgan. “Barselona” esa bu hakam ishlagan o‘yinlarda 16 g‘alaba, 6 durang va 4 mag‘lubiyat qayd etgan.
Eslatib o‘tamiz, La Liga 29-turidan o‘rin olgan “Real” — “Barselona” bahsi 20-martdan 21-martga o‘tar kechasi Toshkent vaqti bilan soat 01:00 da boshlanadi.
Madridliklar Ispaniya chempionatining ortda qolgan 28 turidan so‘ng 66 ochko jamg‘argan holda 1-o‘rinni band etib turibdi va eng yaqin ta’qibchisi “Sevilya”ni 10 ochkoga ortda qoldirmoqda. “Barselona” esa 27 ta o‘yin o‘tkazgan holda 51 ochko bilan 3-pog‘onani band etib turibdi.
Izoh (0)