“Manchester Yunayted” futbolchisi Pol Pogbaning uyiga o‘g‘ri tushdi. Bu haqida futbolchining o‘zi Instagram sahifasida ma’lum qildi.
“Manchester Yunayted” Chempionlar Ligasi 1/8 final bosqichida “Atletiko M”ga imkoniyatni boy berdi va musobaqani tark etdi. Pol ikkinchi bo‘limda zaxiradan maydonga tushdi.
Futbolchining ta’kidlashicha, o‘g‘rilik o‘yin vaqtida sodir bo‘lgan. Pogba bilan birga rafiqasi ham stadionda bo‘lgan, ularning farzandlari esa uyda qolgan. Futbolchi o‘g‘rilarni topishga yordam berganlarga mukofot puli va’da qilgan.
O‘tgan tun oilamiz uchun eng dahshatlisi bo‘ldi, farzandlarim yotoqxonasida uxlayotgan vaqtda uyga o‘g‘ri kirgan.Avvalroq Karim Benzemaning uyiga ham o‘g‘ri tushgani xabar qilingandi. “Liverpul” futbolchisi Fabinyo ham o‘g‘rilik qurboni bo‘lgandi. Talonchilar “Manchester Siti” vingeri Riyod Mahrezni yarim million yevroga chuv tushirgani haqida xabar berilgandi. Dele Alli esa o‘z uyida bosqinchi o‘g‘rilar tomonidan kaltaklangandi.O‘g‘rilar besh daqiqadan kamroq vaqt uyda bo‘lgan, lekin shu qisqa vaqt ichida ular bizdan uydagi hamma narsadan ko‘ra qimmatroq narsani o‘g‘irladi. Bu — bizning himoya va xavfsizlik hissimiz.
Barchasi o‘yinning so‘nggi daqiqalarida (“Atletiko M”ga qarshi) sodir bo‘lgan. Ular bizning uyda bo‘lmasligimizni bilgan. Rafiqam bilan birga farzandlarimiz sog‘-omonmi yoki ular aziyat chekdimi, bilmasdan uyga shoshildik.
Ota uchun farzandini himoya qilolmaslikdan yomon narsa yo‘q. Boshimdan o‘tkazganlarimni hech kimga ravo ko‘rmayman. Aynan shuning uchun ham bizga ma’lumot berishda yordam beradigan kishilarga mukofot berishga tayyorman.
Pol Pogba, “Manchester Yunayted” yarim himoyachisi
Izoh (0)