“Gumanitar falokat jumlasi Rossiya Federatsiyasi bilan sinonim bo‘lib qoldi” – Zelenskiy

Ukraina prezidenti Vladimir Zelenskiy ukrainaliklariga qilgan navbatdagi videomurojaatida “gumanitar falokat” jumlasi boshqa bir ikki so‘z “Rossiya Federatsiyasi”ning sinonimiga aylanib qolganini ta’kidladi.

O‘tgan tunda va tongda bosqinchilar, o‘zlarining so‘zlariga ko‘ra, Chernigovadagi suv quvurini quroldan tozalash ishlarini olib borgan. Shahar suvsiz qolgan. Suv ta’minotini tiklash uchun barcha choralarni ko‘ramiz. Sumsk, Kiyev, Donetsk viloyatlarining ayrim qismlari doimiy havo zarbalari tufayli elektr ta’minotidan uzilgan, isitish, gaz, suv borasida ham muammolar mavjud. Bu gumanitar falokat.

Vladimir Zelenskiy

Shuningdek, Zelenskiy Rossiya hukumatining Suriyadan ko‘ngillilarni Ukrainaga olib kelib urushga jalb qilish borasidagi rejalariga munosabat bildirgan.

Rossiya qo‘shinlari ukrainaliklarga mana shunaqa munosabatda bo‘lmoqda. Donbassga e’tibor ham shunday, ular rus tilida so‘zlashadigan odamlarga Moskvaning “himoyasi” haqida gapirishgan, “olamga jar solishgandi”. Raketalar, aviabombalar, artilleriya. Ana endi hududda kim qaysi tilda so‘zlashayotganini, qaysi cherkovga borayotgani, qaysi partiyaga ovoz berganini umuman farqlamaydigan suriyalik yollanma jangchilar urushga kirishi mumkin. Ular urushga, begona zaminga “o‘ldirish” uchun keladi.

Vladimir Zelenskiy

Avval Ukrainaning boshqa davlatlarni “Mir” kartalariga xizmat ko‘rsatishni to‘xtatishga chaqirgani, AQSh Senati Ukrainaga 13,6 milliard dollar ajratishni ma’qullagani, Makron urush sharoitida Ukrainaning Yevropa Ittifoqi a’zoligini olishiga qarshi chiqqani, Zelenskiyning dastlab barcha ukrainaliklarga quroldan foydalanishga ruxsat beruvchi qonunni, keyinroq esa Ukrainadagi Rossiya mulkini kompensatsiyasiz musodara qilish to‘g‘risidagi qonunni imzolagani haqida xabarlar berilgan.