Oq uy matbuot kotibi Jen Psaki Rossiya Mudofaa vazirligining Vashington va Kiyev biologik qurol sohasida qo‘shma tadqiqot o‘tkazgani to‘g‘risidagi ma’lumotlarini rad etdi. Bu haqda u o‘zining Twitter’dagi sahifasiga yozib qoldirgan.
Psakining fikricha, bu kabi xabarlar Rossiyaning o‘zi “soxta bayroq” ostida kimyoviy yoki biologik quroldan foydalangan holda hujumni amalga oshirish niyatida ekanini ko‘rsatadi, Xitoy esa “mazkur propaganda”ni qo‘llab-quvvatlashni rejalashtirgan.
“Rossiya ushbu yolg‘on bayonotni berganidan, Xitoy esa aftidan, mazkur propagandani qo‘llab-quvvatlaganidan keyin, barchamiz Rossiya Ukrainada kimyoviy yoki biologik quroldan foydalanmasligi yoki undan foydalangan holda soxta bayroq ostida operatsiya tashkil etmasligi uchun ogoh bo‘lishimiz kerak. Bu aniq qonuniylik”, — deb yozadi Psaki.
Oldinroq Rossiya Mudofaa vazirligi Ukrainada biologik qurol komponentlarini yaratilayotgani aytilgan hujjatlarni e’lon qilgandi. Idora rasmiy vakili general-mayor Igor Konashenkovning so‘zlariga ko‘ra, shundan so‘ng, “Ukraina Sog‘liqni saqlash vazirligi barcha biolaboratoriyalarga xavfli patogenlar saqlanadigan zaxiralarini zudlik bilan yo‘q qilish bo‘yicha ko‘rsatma yuborgan”.
AQSh davlat kotibi o‘rinbosari Viktoriya Nuland Senatdagi eshituvda Ukrainada biologik tadqiqot obyektlari bo‘lganini tasdiqlagan. U mazkur tadqiqotlar haqida hech qanday batafsil ma’lumotlarni keltirmagan. Pentagon va Oq uy esa bu ma’lumotlarni rad etgan. BMT Ukrainada ishlagan JSST xodimlarining bunday tadqiqotlarda xabari yo‘qligini ma’lum qilgan.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Mavzuga doir:
Izoh (0)