Оқ уй матбуот котиби Жен Псаки Россия Мудофаа вазирлигининг Вашингтон ва Киев биологик қурол соҳасида қўшма тадқиқот ўтказгани тўғрисидаги маълумотларини рад этди. Бу ҳақда у ўзининг Twitter’даги саҳифасига ёзиб қолдирган.
Псакининг фикрича, бу каби хабарлар Россиянинг ўзи «сохта байроқ» остида кимёвий ёки биологик қуролдан фойдаланган ҳолда ҳужумни амалга ошириш ниятида эканини кўрсатади, Хитой эса «мазкур пропаганда»ни қўллаб-қувватлашни режалаштирган.
«Россия ушбу ёлғон баёнотни берганидан, Хитой эса афтидан, мазкур пропагандани қўллаб-қувватлаганидан кейин, барчамиз Россия Украинада кимёвий ёки биологик қуролдан фойдаланмаслиги ёки ундан фойдаланган ҳолда сохта байроқ остида операция ташкил этмаслиги учун огоҳ бўлишимиз керак. Бу аниқ қонунийлик», — деб ёзади Псаки.
Олдинроқ Россия Мудофаа вазирлиги Украинада биологик қурол компонентларини яратилаётгани айтилган ҳужжатларни эълон қилганди. Идора расмий вакили генерал майор Игорь Конашенковнинг сўзларига кўра, шундан сўнг, «Украина Соғлиқни сақлаш вазирлиги барча биолабораторияларга хавфли патогенлар сақланадиган захираларини зудлик билан йўқ қилиш бўйича кўрсатма юборган».
АҚШ давлат котиби ўринбосари Виктория Нуланд Сенатдаги эшитувда Украинада биологик тадқиқот объектлари бўлганини тасдиқлаган. У мазкур тадқиқотлар ҳақида ҳеч қандай батафсил маълумотларни келтирмаган. Пентагон ва Оқ уй эса бу маълумотларни рад этган. БМТ Украинада ишлаган ЖССТ ходимларининг бундай тадқиқотларда хабари йўқлигини маълум қилган.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)