Samarqand viloyatining Bulung‘ur tumanida oltin bo‘laklarini noqonuniy olib ketayotgan fuqaro qo‘lga olindi.
IIV Yo‘l harakati xavfsizligi xizmati xabariga ko‘ra, 6-mart kuni soat 21:00 larda Samarqand viloyati huquqni muhofaza qiluvchi organ xodimlari hamkorligida o‘tkazilgan tekshiruv davomida Bulung‘ur tumani hududidan o‘tuvchi M-39 avtomobil yo‘lida joylashgan “Yuqori nuqta” YPX maskanida Lacetti mashinasi to‘xtatilgan.
Xolis va guvohlar ishtirokidagi tekshiruv davomida uning haydovchisi O.A.ning (1989-yilda tug‘ilgan) cho‘ntagi va avtomobili salonidan jami 15 dona, turli xil shaklda quyilgan, umumiy og‘irligi 525 gramm bo‘lgan oltin bo‘laklari topilgan.
Ushbu qimmatbaho bo‘laklar noqonuniy olib ketilayotganlikda gumonlanib ashyoviy dalil sifatida olingan va avtomobil vaqtincha saqlash uchun jarima maydoniga qo‘yilgan.
Ayni paytda holat yuzasidan Iqtisodiy jinoyatlarga qarshi kurashish departamentining Bulung‘ur tumani bo‘limi xodimlari tomonidan tergovga qadar tekshiruv harakatlari olib borilmoqda.
Izoh (0)