Navoiy viloyatida 2,3 kilogramm sof quyma oltinni noqonuniy ravishda muomalaga kiritishga uringan shaxs ushlandi, deb xabar beradi Bosh prokuratura huzuridagi departament.
Ma’lum qilinishicha, departament, DXX va IIBning Navoiy viloyati boshqarmalari tomonidan tezkor tadbir o‘tkazilgan. Tadbir davomida S.N. ismli shaxs sof quyma oltinni o‘tkazish maqsadida fuqaro R.dan 548 gramm sof quyma oltinni 328,5 million so‘mga, fuqaro B.dan 1,7 kilogramm sof quyma oltinni 1,7 milliard so‘mga xarid qilgani aniqlangan. U Navoiy—Samarqand yo‘nalishida Nexia-2 rusumli avtotransport vositasida harakatlanib kelayotgan vaqtida ushlangan, tadbir yakunida undan jami 2,3 kilogramm sof quyma oltin parchalari ashyoviy dalil sifatida olib qo‘yilgan.
Mazkur holat yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Toshkent aeroportida Istanbuldan O‘zbekistonga 320 mln so‘mlik tilla taqinchoqlarni yashirincha olib kirishga urinish fosh etilgani to‘g‘risida xabar berilgandi.
Mavzuga doir:
- Olmazorda qariyb 36 mln so‘mlik tilla taqinchoqlarini o‘g‘irlatganini aytgan ayolning o‘zi bu ishni qilgani aniqlandi
- Toshkentda soxta tilla taqinchoqlarni 29 mln 300 ming so‘mga sotgan ayollar qo‘lga olindi
- Toshkentda buvisining tilla taqinchoqlari va pullarini o‘g‘irlagan 21 yoshli qizga jinoyat ishi qo‘zg‘atildi
Izoh (0)