Uzbekistan Airways aviakompaniyasi fuqarolarning O‘zbekiston va Rossiya o‘rtasidagi aviaqatnovlar to‘xtatilishiga oid savollariga munosabat bildirdi.
“Uzbekistan Airways O‘zbekiston va Rossiya shaharlari o‘rtasida amalga oshirilayotgan aviaqatnovlar jadvalga muvofiq, uzilishlarsiz amalga oshirilishini va xavotirga o‘rin yo‘qligini ma’lum qiladi”, — deydi kompaniya matbuot kotibi Kamola Ikramova.
Shuningdek, u aviachiptalar bilan bog‘liq firibgarlik holatlarining oldini olish uchun yo‘lovchilarga chiptalarni kompaniyaning rasmiy saytidan 3 foiz chegirma bilan xarid qilish mumkinligini eslatib o‘tgan.
Avvalroq Rossiyaning iFly aviakompaniyasi 5-mart sanasidan boshlab O‘zbekistonga bajarilishi kutilayotgan hamda barcha rejalashtirilgan yo‘nalishlarda o‘z parvozlarini noma’lum muddatga to‘xtatgandi. Shuningdek, Smartavia aviakompaniyasi ham 7-mart kuniga rejalashtirilgan Moskva—Urganch—Moskva yo‘nalishidagi parvozni bekor qildi.
Mavzuga doir:
Izoh (0)