Андижон вилоятининг Олтинкўл ва Хоразм вилоятининг Янгиариқ туманларида ер майдонларини сотмоқчи бўлган фирибгарлар ушланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Андижон вилояти бошқармаси томонидан ДХХнинг Олтинкўл тумани бўлими билан ҳамкорликда тезкор тадбир ўтказилган. Унда фуқаро Н.Й. бошқа бир фуқаро О.нинг ишончига кириб, унга юқори лавозимда ишловчи танишлари ёрдамида Андижон шаҳри Бобуршоҳ кўчасидаги бўш турган 3 сотих ер майдонига уй-жой қуриш учун рухсатнома олиб беришини айтгани аниқланган. У хизмати эвазига 12 минг доллар сўраб, шундан 1 минг 700 долларини қўлга киритиб, яна 5 минг долларини олган вақтида ашёвий далиллар билан ушланган.
Департаментнинг Янгиариқ тумани бўлими томонидан ДХХнинг Хива шаҳри бўлими билан тезкор тадбир ўтказилган. Унда фуқаро А.К. Янгиариқ туманидаги «Сабурзом» маҳалласида фуқаро Р.нинг номига тугалланмаган турар жой биноси сифатида расмийлаштирилган 13 сотих экин ер майдонини фуқаро фуқарога сотишга келишиб, танишлари орқали ҳужжатларни расмийлаштириб беришни ваъда қилгани аниқланган. У эвазига 10 минг 500 долларини олган вақтида ашёвий далиллар билан ушланган.
Ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
Мавзуга доир:
- Фарғонада фуқарога 1 млрд сўм кредит олиб бериш учун 30 млн сўм сўраган банк мутахассиси ушланди
- Андижонда Миллий гвардияга ишга ва «Дипломатия»га ўқишга киритиб қўйиш учун 32 минг доллар олган шахслар ушланди
- Тошкент туманида ҳокимлик захирасидан 14 сотих ерни 8 минг доллар эвазига олиб беришни ваъда қилган шахс ушланди
Изоҳ (0)