«Лестер» ҳужумчиси Жейми Варди Англия Премьер Лигасининг 22-тури доирасидаги ўйинда «Бёрнли» дарвозасини ишғол қилди (2:0).
35 ёшли ҳужумчи учун бу 30 ёшдан кейин АПЛда урилган 94-гол бўлди. Шу тариқа Варди бундан 30 йил олдин ўрнатилган натижани янгилади. Ўшанда «Арсенал» ва «Вест Ҳэм» собиқ ҳужумчиси Иан Райт 30 ёшдан кейин 93 та гол уришнинг уддасидан чиққанди.
Ушбу кўрсаткич бўйича 3-ўринни Алан Ширер («Ньюкасл») эгаллаб турибди — 84.
Маълумот учун, Варди 2012 йилдан бери «Лестер» сафида тўп суриб келади. У Премьер Лиганинг 2021/22 йилги мавсумида 17 ўйинда 10 та гол ва 2 та голли узатмага муаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)