21–27 fevral kunlari ochiq birja savdolari orqali jami 2 203,8 mlrd so‘mlik tovar resurslari sotilgan. Bu haqda “O‘zRTXB” axborot xizmati haftalik hisobotiga tayanib, “Review.uz” xabar bermoqda.
O‘tgan hafta davomida, ya’ni 21—27-fevral kunlari O‘zbekiston respublika tovar-xomashyo birjasining barcha savdo platformalarida 2 495,3 mlrd so‘mlik tovarlar sotilgan bo‘lib, bu avvalgi haftaga nisbatan 10,5 foizga ko‘p, deb xabar bermoqda “O‘zRTXB” axborot xizmati.
Bunda sotuvlarning 88,3 foiz — birja savdolari; 0,5 foiz — ko‘rgazma-yarmarka savdolari; 10,9 foiz — elektron davlat xaridlari va 0,3 foiz — avtoraqamlarning onlayn-auksioniga to‘g‘ri keldi.
Kichik biznes va xususiy tadbirkorlik subyektlari ishtirokida tuzilgan bitimlarning umumiy hajmi 731,5 mlrd so‘mni tashkil qildi. Davlat xaridlari tizimlarida o‘tkazilgan elektron savdolar natijasida budjet va korporativ buyurtmachilarining qariyb 45,4 mlrd so‘mlik mablag‘lari tejaldi.
Bu davr mobaynida onlayn auksion orqali 3 526 ta avtoraqamlar sotildi. Sotilgan davlat raqam belgilarining umumiy summasi 8,7 mlrd so‘mni tashkil qildi.
Raqobatli savdolar natijasida bitimlarning 5,2 foiz birinchi toifadagi avtoraqamlarga; 7,7 foiz ikkinchi; 8,8 foiz uchinchi; 11,8 foiz to‘rtinchi; 23,3 foiz beshinchi va 43,3 foiz oltinchi toifa avtoraqamlarga tegishlidir.
Bu davrda birja savdolari orqali jami 2,2 trln so‘mlik tovar resurslari sotildi.
Shakar
Birjaning shakar bozorida narxlar pasayishi qayd etildi. Hafta davomida birja savdolari orqali 7 855 tonna shakar sotildi.Ko‘rib chiqilayotgan davrda shakarning barcha kategoriyasi bo‘yicha shakllangan kunlik o‘rtacha narxlar mahsulotning bir tonnasi uchun 8,3 mln so‘mdan 8,2 mln so‘mgacha pasaygan.
Sement
O‘tgan hafta mobaynida birja savdolariga 207,9 ming tonna sement qo‘yildi va ulardan 135,4 ming tonnasi, ya’ni 65,2 foizi sotildi. O‘rtacha kunlik sotuv hajmlari 27,1 ming tonnani tashkil qildi.Ko‘rib chiqilayotgan davrda sementning barcha markalari bo‘yicha shakllangan kunlik o‘rtacha narxlar mahsulotning bir tonnasi uchun 572,9 ming so‘mdan 556,8 ming so‘mgacha, ya’ni 2,8 foizga ga pasaydi. Savdolarda har kuni o‘rtacha 310 xaridor ishtirok etgan.
Suyultirilgan gaz
Birjaning suyultirilgan gaz bozorida narxlar pasayishi qayd etildi. Hafta davomida birja savdolariga 4 411 tonna suyultirilgan gaz qo‘yildi va ularning barchasi sotildi.Bu davrda suyultirilgan gaz bo‘yicha shakllangan kunlik o‘rtacha narxlar mahsulotning bir tonnasi uchun 3,77 mln so‘mdan 3 73 mln so‘mgacha, ya’ni 1,2 foizga pasaygan.
O‘tkazilgan birja savdolari natijasida suyultirilgan gaz bo‘yicha shakllangan o‘rtacha haftalik narxi mahsulotni bir tonnasi uchun 3,8 mln so‘mni tashkil etdi.
Avvalroq O‘zbekistonda 2021-yilda auksion orqali qariyb 300 mlrd so‘mlik avtoraqamlar sotilgani haqida xabar berilgan edi.
Izoh (0)