Britaniya Belarusning to‘rt nafar generalini sanksiyalar ro‘yxatiga kiritdi

Buyuk Britaniya Belarus mudofaa vazirining to‘rt o‘rinbosari hamda mamlakatning ikki mudofaa muassasasini sanksiyalar ro‘yxatiga qo‘shib qo‘ydi. Bu haqda Buyuk Britaniya hukumati e’lon qilgan hujjatda ma’lum qilingan.

Belarus general-mayorlari Andrey Budiko, Sergey Simonenko, Andrey Juk va Bosh shtab boshlig‘i Viktor Gulevichga nisbatan sanksiyalar qo‘llanildi. Ularning mamlakatda topilgan mol-mulki muzlatiladi va ushbu ro‘yxatdagi harbiylarning Buyuk Britaniya hududiga kirishi taqiqlanadi. Ro‘yxatga kiritilgan mudofaa vaziri o‘rinbosarlari Birlashgan Qirollik tomonidan Belarusning faol, jamoatchilik yaxshi taniydigan va yuqori lavozimda faoliyat olib boruvchi amaldorlar deb tan olingan. Ular yuqori darajadagi qo‘mondonlikning bir qismi sifatida Rossiyaning Ukrainaga qilgan hujumini qo‘llab-quvvatlagan va bunga yo‘l qo‘ygan Belarus qurolli kuchlarining harbiy harakatlariga javob beradi, deyiladi hujjatda.

Shuningdek, Buyuk Britaniyada Belarus mudofaa muassasalari “558 aviatsiya ta’mirlash zavodi” hamda “Integral”ning aktivlari muzlatib qo‘yildi.

London hujum vaqtida Rossiya samolyotlarining Baranovichi aviabazasidan harakatga keltirilgani, “558 aviatsiya ta’mirlash zavodi” esa aviatsiyaga texnik xizmat ko‘rsatilishi amalga oshirmoqda. Hujjatda zavodning Ukrainadagi maxsus operatsiyalarda ishtirok etayotgan samolyotlarga xizmat ko‘rsatayotgani yuzasidan gumonlar mavjudligi qayd etilgan.

“Integral” suyuq kristall indikatorlari va integral sxemalar ishlab chiqaruvchisining mablag‘lari ham muzlatib qo‘yiladi, sababi ushbu korxona Belarus va Rossiya harbiy kuchlari uchun komplektlar yetkazib beradi, deyiladi Buyuk Britaniya hukumatining taqiqlar haqidagi hujjatida.

Rossiyaga qarshi bir qator davlatlar, xususan YI, AQSh, Kanada, Yaponiya, Avstraliya va boshqa mamlakatlar sanksiyalar joriy etgan. Cheklovlar Rossiya banklari (“VTB” va “Sberbank” ham bor), Rossiyadan yuqori texnologiya mahsulotlarini eksport qilish, Markaziy bank, Moliya vazirligi, Rossiya taraqqiyot jamg‘armasi va katta davlat korporatsiyalari, Rossiya Xavfsizlik kengashi a’zolari, Davlat dumasi deputatlariga nisbatan ham tatbiq qilingan.

28-fevralda Vladimir Putin AQSh hamda boshqa g‘arb davlatlarining do‘stona bo‘lmagan harakatlari va xorij davlatlari, xalqaro tashkilotlarning cheklovlariga qarshi iqtisodiy chora-tadbirlar to‘g‘risida farmonni imzolagan.