Yevropa Ittifoqi Rossiyaning SWIFT xalqaro moliyaviy xabar almashish tizimidan chiqarib tashlanishi mumkin bo‘lgan banklar ro‘yxatini e’lon qildi. Bu haqda Bloomberg xabar bermoqda.
Qayd etilishicha, “Sberbank” va “Gazprombank” bu ro‘yxatga kiritilmagan. Buning sababi sifatida Yevropa uchun Rossiyani moliyaviy jihatdan izolyatsiya qilishning iqtisodiy oqibatlaridan tashvishlanish ko‘rsatilmoqda. Ro‘yxat Yevropa Ittifoqi hukumati vakillari tomonidan muhokama qilinmoqda va rasmiy e’lon qilinishidan oldin o‘zgartirishlar kiritilishi mumkin.
Sberbank dunyodagi eng yirik energiya eksportchisi bo‘lgan Rossiyadagi boshqa banklardan ikki baravar ko‘p aktivlarga ega. U 100 mlndan ortiq chakana mijozlarga ega bo‘lgan mamlakat depozitlarining qariyb yarmiga egalik qiladi. “Gazprombank” Rossiya energetika tizimi uchun asosiy bank hisoblanadi.
SWIFT’dan uzilishi mumkin bo‘lgan banklar ro‘yxatiga “VTB”, “Promsvyazbank”, “Sovkombank”, “Otkritiye” banki, “Rossiya” banki, “Novikombank” va Rossiya davlat rivojlanish korporatsiyasi — VEB.RF kiradi.
AQSh, Fransiya, Germaniya, Italiya, Buyuk Britaniya va Kanadaning qo‘shma bayonotida Rossiyaning ayrim banklarini SWIFT xabar almashish tizimidan o‘chirish qarori hafta oxirida e’lon qilinishi aytilgan.
Avvalroq Rossiya banklarining SWIFT’dan uzilishi O‘zbekistonga qanday ta’sir qilishi haqida xabar berilgan edi.
Izoh (0)