Ijtimoiy tarmoqlarda Toshkent shahrining Uchtepa tumanidagi 283-sonli maktab o‘quvchilariga qizil galstuk taqdirilgani mavzusi keng muhokamalarga sabab bo‘lmoqda. Xalq ta’limi vazirligi matbuot kotibi mazkur holatga izoh berdi.
Ma’lum qilinishicha, maktab ma’muriyati maktabning bugungi ochilish marosimiga ota-onalar bilan kelishgan holda boshlang‘ich sinflarga qizil rangli erkaklar bo‘yinbog‘ini, katta sinflarga ko‘k ranglisini taqishni tanlagan.
Qolgan kunlari maktab bo‘yinbog‘ taqishni talab qilmagan, oq ko‘ylak, to‘q ko‘k shimda kelishi zarurligi aytilgan.
“Mazkur masalani siyosiy tus bermaslikni so‘raymiz”, — deyiladi izohda.
2021-yilning iyulida Xalq ta’limi vazirligi o‘quvchi qizlarning maktabga hijobda borishlari mumkinligi haqidagi savollarga munosabat bildirib, xalq ta’limi vazirining 2020-yil 28-maydagi 131-son buyrug‘i bilan tasdiqlangan maktablarning ichki tartib va odob-axloq qoidalarining 8-bandiga ko‘ra o‘quvchilar belgilangan maktab formasida kelishlari shartligini eslatgandi. 2021/2022-o‘quv yilidan boshlab o‘quvchi qizlarning maktabga ro‘mol o‘rab kelishiga ruxsat berilgan.
Izoh (0)