S&P Global Ratings import qilinadigan yangi avtomobillar uchun bojxona to‘lovlarining qisqarishi UzAuto Motors’ga qanday ta’sir qilishini tahlil qildi. Bu haqda “Uzdaily.uz” xabar bermoqda.
Bojxona to‘lovlarining 30 foizdan 15 foizga kamaytirilishi mamlakatimizga olib kirilayotgan avtomobillar sonini oshiradi. GM (General Motors) ishlab chiqarishni keng miqyosda mahalliylashtirish va tannarxni optimallashtirishga harakat qildi.
Shunga qaramasdan, UzAuto Motors tomonidan ishlab chiqarilgan avtomobillar asosiy modellarining narxlari import qilinadigan avtomobillarga nisbatan 20-40 foiz pastligicha qolmoqda.
Qisqa muddatda narxlar, sotish hajmi va kompaniyaning raqobatdosh pozitsiyasiga bosim bo‘lishi kutilmoqda.
Yaqin kelajakda import bojlari yanada keng miqyosda pasaytirilgan taqdirda UzAuto Motors avtomobillarining narxlari pasayishi mumkin. O‘zbekiston Respublikasi hukumati yangi avtomashinalarga buyurtmalar bo‘yicha to‘lovlarning eng kam miqdori bo‘yicha talablarni ham 85 foizdan 50 foizgacha qayta ko‘rib chiqdi.
UzAuto Motors kredit profilining bu harakatlardan keyin yomonlashishi xavfi kamligini ta’kidlanmoqda. Kompaniya 2022-yilda asosiy holatni inobatga olgan holda aylanma mablag‘larning 200-250 mln dollar bo‘lishini rejalashtirgan.
O‘zbekiston avtomobilsozlik sanoatining bosqichma-bosqich liberallashuvi kompaniyaning hukumat bilan munosabatlariga bo‘lgan bahomizni o‘zgartirmaydi.
Avvalroq UzAuto Motors Malibu-2 uchun arizalar qabul qilishni to‘xtatgani haqidagi xabarlar rad etilgandi.
Izoh (0)