Фарғона вилояти Қувасой шаҳрида табиий газ тармоғига ўзбошимчалик билан уланган цех фаолияти фош этилди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Қувасой шаҳар бўлими томонидан терговга қадар текширув ўтказилган. Унда «Д.С.» МЧЖнинг оҳак ишлаб чиқариш цехи шартнома муддати тугагани муносабати билан 2021 йилнинг сентябрь ойида табиий газ таъминотидан тегишли тартибда узилган бўлса-да, МЧЖ раҳбари Ф.А. газ тармоғига ўзбошимчалик билан уланиб, фаолият юритгани аниқланган. Оқибатда давлат ва жамият манфаатларига 560,5 миллион сўм зарар етказилган.
Ҳолат юзасидан Жиноят кодексининг 185-2-моддаси (электр, иссиқлик энергияси, газ, водопроводдан фойдаланиш қоидаларини бузиш) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Сурхондарёдаги метан-заправкалардан бири газ таъминотига 448,4 млн сўмлик зарар етказгани аниқланди
- Самарқанд вилоятидаги иккита оилавий корхона қарийб 1 млрд сўмлик электр энергиясидан ноқонуний фойдалангани аниқланди
- Навоийда оҳак ишлаб чиқариш корхонаси газдан ноқонуний фойдаланиб, 295 млн сўм зарар етказгани аниқланди
Изоҳ (0)