Bolgariyaning Sofiya shahrida boks bo‘yicha xalqaro an’anaviy Stranja Kubogi musobaqasining final bahslari 26-fevral, shanba kuni bo‘lib o‘tmoqda.
-80 kg vazn toifasida harakat qilayotgan Odiljon Aslonov bolgariyalik Kristian Nikolov bilan ringga chiqdi. O‘zbekistonlik bokschi raqibi ustidan 4:1 hisobida g‘alaba qozondi. Shu tariqa Aslonov O‘zbekiston uchun navbatdagi oltin medalni qo‘lga kiritdi.
-92 kg kg vazn toifasida Madiyor Saidrahimov esa bolgariyalik Radoslav Pantaleyevni 4:0 hisobida mag‘lub etdi. Madiyor ham oltin medal sohibiga aylandi.
Avvalroq, Hasanboy Do‘stmatov qozog‘istonlik raqibi ustidan g‘alaba qozonib, oltin medalni qo‘lga kiritgandi. Abdumalik Halokov bolgariyalik, Mujibillo Tursunov ukrainalik bokschini taslim etdi va oltin medalga ega chiqdi.
+92 kg vazn toifasidagi Lazizbek Mullajonov 27-fevral kuni final jangida ringga ko‘tariladi.
Tursunoy Rahimova yarim finalda ukrainalik bokschiga imkoniyatni boy berib, bronza medali bilan cheklangan bo‘lsa, Jahongir Rahmonov, Saidjamshid Ja’farov, Sohiba Ro‘zmetova, Rayhona Qodirova, Sitora Turdibekova, Mavluda Mavlonova musobaqa bilan erta xayrlashgandi.
Izoh (0)