Болгариянинг София шаҳрида бокс бўйича халқаро анъанавий Странжа Кубоги мусобақасининг финал баҳслари 26 февраль, шанба куни бўлиб ўтмоқда.
-80 кг вазн тоифасида ҳаракат қилаётган Одилжон Аслонов болгариялик Кристиан Николов билан рингга чиқди. Ўзбекистонлик боксчи рақиби устидан 4:1 ҳисобида ғалаба қозонди. Шу тариқа Аслонов Ўзбекистон учун навбатдаги олтин медални қўлга киритди.
-92 кг кг вазн тоифасида Мадиёр Саидраҳимов эса болгариялик Радослав Панталеевни 4:0 ҳисобида мағлуб этди. Мадиёр ҳам олтин медал соҳибига айланди.
Аввалроқ, Ҳасанбой Дўстматов қозоғистонлик рақиби устидан ғалаба қозониб, олтин медални қўлга киритганди. Абдумалик Ҳалоков болгариялик, Мужибилло Турсунов украиналик боксчини таслим этди ва олтин медалга эга чиқди.
+92 кг вазн тоифасидаги Лазизбек Муллажонов 27 февраль куни финал жангида рингга кўтарилади.
Турсуной Раҳимова ярим финалда украиналик боксчига имкониятни бой бериб, бронза медали билан чекланган бўлса, Жаҳонгир Раҳмонов, Саиджамшид Жаъфаров, Соҳиба Рўзметова, Райҳона Қодирова, Ситора Турдибекова, Мавлуда Мавлонова мусобақа билан эрта хайрлашганди.
Изоҳ (0)