“Barselona” prezidenti Mino Rayola bilan uchrashib, Erling Holand transferini muhokama qilgani aytilmoqda

“Barselona” prezidenti Xoan Laporta va Mino Rayola Erling Holand transferini muhokama qildi.

Xoan Laporta va norvegiyalik hujumchining agenti 16-fevral kuni Monakoda uchrashgan. Yordi Kroyf ham ushbu muzokaralarda ishtirok etgan.

Fabrisio Romanoning xabariga ko‘ra, tomonlar futbolchining ehtimoliy transferini muhokama qilgan. Bundan tashqari, Laporta va Rayola boshqa mavzularda ham suhbatlashgan.

Avvalroq, “Real” Erling Holand bilan dastlabki kelishuvga erishgani, bu kelishuvdan keyin Holandning vakillari boshqa klublar bilan muzokara olib borolmasligi xabar qilingandi. “Barselona”ning esa hujumchini klubning eng ko‘p maosh oluvchi futbolchisiga aylantirmoqchi haqida ma’lumot berilgandi.

21 yoshli Holand 2021/22-yilgi mavsumda Bundesliganing 14 o‘yinida maydonga tushib, 16 ta gol va 5 ta golli uzatmaga mualliflik qildi.