Bolgariyaning Sofiya shahrida boks bo‘yicha xalqaro an’anaviy Stranja Kubogi musobaqasining final bahslari 26-fevral, shanba kuni bo‘lib o‘tmoqda.
-57 kg vazn toifasida harakat qiltgan Abdumalik Halokov bolgariyalik Xavyer Diasga qarshi ringga chiqdi. O‘zbekistonlik boskchi raqibi ustidan 4:1 hisobida g‘alaba qozondi. Shu tariqa Halokov Stranja—2022 musobaqasining oltin medaliga ega chiqdi.
-63,5 kg vazn toifasidagi Mujibillo Tursunov ukrainalik Yaroslav Xarsiz bilan jang qildi. Mujibillo ukrainalik raqibiga hech qanday imkon qoldirmadi va 5:0 hisobida g‘alaba qozondi. Tursunov ham oltin medal sohibiga aylandi.
Ma’lumot uchun, Hasanboy Do‘stmatov qozog‘istonlik raqibi ustidan g‘alaba qozonib, oltin medalni qo‘lga kiritgandi. 26-fevral kungi bahslarning kechgi dasturida Odiljon Aslonov va Madiyor Saidrahimov oltin medal uchun kurash olib boradi. +92 kg vazn toifasidagi Lazizbek Mullajonov 27-fevral kun o‘z jangini o‘tkazadi.
Avvalroq Tursunoy Rahimova ukrainalik bokschiga imkoniyatni boy berib, bronza medalini qo‘lga kiritgandi. Jahongir Rahmonov, Saidjamshid Ja’farov, Sohiba Ro‘zmetova, Rayhona Qodirova, Sitora Turdibekova, Mavluda Mavlonova esa musobaqa bilan erta xayrlashdi.
Izoh (0)