Bugun,

  • USD 10920.28
  • RUB 177.49
  • EUR 11052.42

Samarqand viloyati Samarqand tumanida bir guruh fuqarolar norozilik bildirib, yo‘lni to‘sib qo‘ydi, deya xabar bermoqda viloyat IIBB axborot xizmati.

Foto: Samarqand viloyati IIBB

Qayd etilishicha, 2021-yil 26-sentabr kuni soat 12:10 da Samarqand tumani “Yangiariq-1” MFY, Chungul ko‘chasida yashovchi 13 nafar fuqaro tabiiy gaz yo‘qligidan norozilik bildirib, Samarqand M-37 avtomobil yo‘lining 8—9-kilometrida yo‘lning qatnov qismiga chiqib, yo‘lni to‘sib qo‘ygan.

Ushbu mahalla 2015-yilda Vazirlar Mahkamasi qarori asosida tabiiy gaz tarmog‘idan uzilib, suyultirilgan gaz ballonlari bilan ta’minlanishi yo‘lga qo‘yilgan.

Norozilik bildirib chiqqan fuqarolar istiqomat qiluvchi mahallaga Samarqand tumani gaz ta’minoti bo‘limi tomonidan oxirgi marotaba 2021-yilning 29-iyul kuni suyultirilgan gaz ballonlari tarqatilgan.

Mazkur fuqarolar Samarqand tuman hokimiyati binosiga olib kelinib, tuman hokimi, viloyat va tuman IIB rahbariyati hamda mutasaddi tashkilot xodimlari tomonidan tushuntirish ishlari olib borildi.

Ushbu holat yuzasidan Samarqand tumani IIB tomonidan tergovga qadar tekshiruv harakatlari olib borilib, to‘plangan hujjatlar mazmunan ko‘rib chiqish uchun Jinoyat ishlari bo‘yicha Samarqand tumani sudiga yuborildi.

Jinoyat ishlari bo‘yicha Samarqand tumani sudining 27-sentabr kunidagi qarori bilan 13 nafar shaxsga nisbatan Ma’muriy javobgarlik to‘g‘risidagi kodeksning 183-moddasi (mayda bezorilik) hamda 201-moddasi (yig‘ilishlar, mitinglar, ko‘cha yurishlari yoki namoyishlar uyushtirish, o‘tkazish tartibini buzish)da nazarda tutilgan huquqbuzarliklarni sodir etganlikda aybli deb topilib, ma’muriy javobgarlikka tortildi.

Huquqbuzarlikning ikki nafar tashkilotchisiga 5 sutkadan ma’muriy qamoq jazosi tayinlangan bo‘lsa, qolgan 11 nafar huquqbuzarga nisbatan jarima jazosi tayinlandi.

Izoh
Asosiy yangiliklar
Dunyo
Braziliya prezidenti Jair Bolsonaru bloger bilan mushtlashdi (video)
Mahalliy
Namanganda Qur’oni Karimning noyob qo‘lyozmasini o‘g‘irlab ketgan shaxslar qo‘lga olindi (video)
Mahalliy
Sirdaryoda Isuzu avtobusi gaz balloni portlagani yuzasidan jinoyat ishi qo‘zg‘atildi