Bolgariyaning Sofiya shahrida 23-fevral, chorshanba kuni boks bo‘yicha xalqaro an’anaviy Stranja Kubogining to‘rtinchi kungi bahslari bo‘lib o‘tdi.
-75 kg vazn toifasida Saidjamshid Ja’farov shvetsiyalik Majd Alsafadi ustidan g‘alaba qozonib, chorak finalga yo‘l oldi. +92 kg kg vazn toifasidagi Lazizbek Mullajonov esa rossiyalik Yaroslav Doronichev 5:0 hisobida mag‘lub etdi. Mullajonov yarim finalda qozog‘istonlik Saparbay Nurlan bilan bahs olib boradi.
Avvalroq, Hasanboy Do‘stmatov rossiyalik Yevgeniy Martinovni 5:0 hisobida yengib, yarim finalga yo‘l olgandi.
Shu va boshqa natijalar bilan quyida tanishing:
Erkaklar:
- -51 kg: Hasanboy Do‘stmatov – Yevgeniy Martinov (Rossiya) 5:0
- -75 kg: Saidjamshid Ja’farov – Majd Alsafadi (Shvetsiya) 5:0
- +92 kg: Lazizbek Mullajonov – Yaroslav Doronichev (Rossiya) 5:0
- -57 kg: Sitora Turdibekova – Darya Abramova (Rossiya) 0:5
- -75 kg: Mavluda Mavlonova – Anastasiya Shamonova (Rossiya) 1:4.
Eslatib o‘tamiz, musobaqaning birinchi kungi bahslarida olti nafar o‘zbekistonlik bokschi jang qildi va barchasi g‘alaba qozondi. Ikkinchi kungi bahslarda 5 nafar bokschi o‘z jangini g‘alaba bilan yakunladi. 22-fevral kungi bahslarda 4 o‘zbekistonlik bokschi ringga ko‘tarildi. Abdumalik Halokov, Odiljon Aslonov va Madiyor Saidrahimov keyinga bosqichga yo‘l olgan bo‘lsa, Rayhona Qodirova Kosovo vakiliga yutqazib qo‘ydi.
Izoh (0)