“Kuylashni qaytadan o‘rganyapman”: Rossiyalik xonanda MakSim koronavirusdan keyin ovozidagi muammolar haqida so‘zlab berdi

2021-yil yoz faslida rossiyalik xonanda MakSimning muxlislari hamda g‘amxo‘r kishilar xonandaning salomatligi va hayoti haqida ko‘p qayg‘urdi. U koronavirus infeksiyasini yuqtirib oldi, bu esa og‘ir pnevmoniyaga olib keldi. Xonandani konsertdan so‘ng og‘ir ahvolda olib ketishdi va nafas olish apparatiga ulashdi. Marina Maksimova ikki oy davomida sun’iy komada yotdi. Yaxshiyamki, uning organizmi kasallikni yengishga muvaffaq bo‘ldi, ammo endi reabilitatsiyadan o‘tish uchun uzoq yo‘lni bosib o‘tish kerak.

O‘sha paytdan beri ko‘p vaqt o‘tdi, ammo qo‘shiqchi hali ham organizmini tiklash bilan shug‘ullanmoqda. Yaqinda xonanda “Beshinchi kanal” efirida hali ham samolyotlarda ucha olmasligini aytib o‘tdi. Bundan tashqari, uning ovozida muammolar ham bor. Endi MakSim musiqa bilan to‘liq shug‘ullana olmaydi.

“Hozir vokal bilan shug‘ullanyapman, qo‘shiq aytishni qayta o‘rganyapman. Men bilan sodir bo‘lgan voqea asoratsiz bo‘lmaydi. O‘pka qiyinchilik bilan tiklanmoqda. Uchish ham mumkin emas”.

Kasallik nafaqat xonandaning organizmiga ta’sir qildi, balki uning ko‘plab yaqinlarining haqiqiy munosabatini ham ko‘rsatib qo‘ydi. Marina Maksimovaning so‘zlariga ko‘ra, u koma holatida bo‘lganida yaqin odamlari uning hujjatlarini qayta rasmiylashtirish va imzolarni qalbakilashtirishni boshlab yuborgan. Xonanda kasalxonadan uyga qaytgach, ijtimoiy doirasini sezilarli darajada qisqartirishga majbur bo‘ldi.