2021 йил ёз фаслида россиялик хонанда МакSимнинг мухлислари ҳамда ғамхўр кишилар хонанданинг саломатлиги ва ҳаёти ҳақида кўп қайғурди. У коронавирус инфекциясини юқтириб олди, бу эса оғир пневмонияга олиб келди. Хонандани концертдан сўнг оғир аҳволда олиб кетишди ва нафас олиш аппаратига улашди. Марина Максимова икки ой давомида сунъий комада ётди. Яхшиямки, унинг организми касалликни енгишга муваффақ бўлди, аммо энди реабилитациядан ўтиш учун узоқ йўлни босиб ўтиш керак.
Ўша пайтдан бери кўп вақт ўтди, аммо қўшиқчи ҳали ҳам организмини тиклаш билан шуғулланмоқда. Яқинда хонанда «Бешинчи канал» эфирида ҳали ҳам самолётларда уча олмаслигини айтиб ўтди. Бундан ташқари, унинг овозида муаммолар ҳам бор. Энди МакSим мусиқа билан тўлиқ шуғуллана олмайди.
«Ҳозир вокал билан шуғулланяпман, қўшиқ айтишни қайта ўрганяпман. Мен билан содир бўлган воқеа асоратсиз бўлмайди. Ўпка қийинчилик билан тикланмоқда. Учиш ҳам мумкин эмас».
Касаллик нафақат хонанданинг организмига таъсир қилди, балки унинг кўплаб яқинларининг ҳақиқий муносабатини ҳам кўрсатиб қўйди. Марина Максимованинг сўзларига кўра, у кома ҳолатида бўлганида яқин одамлари унинг ҳужжатларини қайта расмийлаштириш ва имзоларни қалбакилаштиришни бошлаб юборган. Хонанда касалхонадан уйга қайтгач, ижтимоий доирасини сезиларли даражада қисқартиришга мажбур бўлди.
Мавзуга доир:
- Оғир касалликдан сўнг: россиялик хонанда МакSимга ўпка кўчириб ўтказилиши мумкин
- «Юрагим икки марта тўхтаб қолди». Хонанда МакSим илк марта кома, даволаниш ва адоватли инсонлар ҳақида сўзлаб берди
- Чизбургер ва кола: хонанда МакSим комадан чиққанидан кейинги илк истаги ҳақида сўзлаб берди
- МакSим: 2000 йиллардаги хит қўшиқлар ижрочиси нима сабабдан санъатни тарк этган? (фото, видео)
Изоҳ (0)