Футбол бўйича Италия А Сериясининг 26-турида «Рома» 19 февраль, шанба куни «Верона» билан баҳс юритди.
Римда ўтган ўйинда жамоалар муроса йўлини танлади. «Верона» беллашувнинг дастлабки 20-дақиқасида кетма-кет 2 та гол уриб, ҳисобни ишончли кўринишга олиб келганди. Аммо 65-дақиқада 18 ёшли Кристиан Волпато орадаги фарқни қисқартирди. Учрашув якунида эса 19 ёшли Эдоардо Бове ажойиб голи билан мувозанатни тиклашга муваффақ бўлди.
Шу тариқа «Рома» ўз майдонида очко йўқотди. Жозе Моуриньо шогирдлари ўтган турда «Сассуоло»га қарши баҳс олиб бориб, унда ҳам 2:2 ҳисобидаги дурангга имзо чекканди.
Қайд этиш керак, мазкур учрашувда «Рома»нинг Николо Заниоло, Генрих Мхитарян каби бир қатор асосий таркиб футболчилари майдонга тушмади. Жамоанинг ўзбекистонлик ҳужумчиси Элдор Шомуродовда эса коронавирус аниқлангани айтилганди, шу туфайли у қайдномага киритилмади.
Дуранг натижадан кейин римликларнинг очколари сони 41 тага етди, жамоа мусобақа жадвалида 7-ўринда бормоқда. 9-поғонадаги «Верона»нинг ҳисобида 37 очко мавжуд.
А Серия
26-тур баҳслари
19 февраль, шанба
«Рома» – «Верона» 2:2
Голлар: 0:1 – 5 Барак, 0:2 – 20 Тамез, 1:2 – 65 Волпато, 2:2 – 84 Бове.«Рома»: Руй Патрисиу, Смоллинг, Карсдорп, Кумбула, Виня (Залевски, 46), Мэйтленд-Найлз (Бове, 78), Сержиу Оливейра (Верету, 46), Кристанте, Пеллегрини, Абраҳам, Афена-Гьян (Волпато, 62).
«Верона»: Монтипо, Фараони, Чеккерини (Шутало, 78), Гюнтер, Казале (Депаоли, 56), Лазович, Тамез (Рецос, 79), Барак, Илич, Капрари (Бесса, 64), Симеоне (Лазанья, 64).
Огоҳлантиришлар: Казале (16), Пеллегрини (38), Сержиу Оливейра (39), Карсдорп (69), Гюнтер (89).
Изоҳ (0)