Instagram: Yulduz Usmonovaning san’atdagi raqobatchisi kim? AQShga kirishi taqiqlangan Lola, Shahzoda Matchonova qizining dabdabali tug‘ilgan kuni

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.

Zarina Nizomiddinovaga onasi namoz ko‘ylak sovg‘a qildi.

Nigina Anorboyeva milliy libosdagi fotosessiyasini muxlislari e’tiboriga havola etdi.

Xonanda Lolaga muxlislaridan biri “Ko‘plab davlatlarga sayohatga borasiz, lekin nima uchun AQShga — singlingiz Anoranikiga bormaysiz?”, deb savol berdi. Lolaning aytishicha, unga AQShga kirish taqiqlangan. “Bunday bo‘lmaganida har yili borib kelardim. Bu mening og‘riqli nuqtam. O‘ylaymanki, bu masala o‘z yechimini topadi. Chunki bu mening aybim bilan bo‘lmagan”, — deb yozadi xonanda.

Rayhon muxlislariga Dubaydan ko‘rinish berdi.

Milliy teatr aktrisalari Saida Rametova xonadoniga yig‘ildi.

Feruza Normatova juma ayyomi munosabati bilan barcha yaqinlariga sovg‘a ulashdi hamda kuzatuvchilarini yaqinlarining qadriga yetishga chorladi.

“Qodirxon” seriali bosh qahramonlari yangi klipda ham juftlik rolini o‘ynamoqda.

Maryam Tillayeva bundan buyon o‘zi yaxshi tanimagan inson bilan munosabat bog‘lamasligi haqida gapirdi. Shuningdek, u shaxsiy hayoti bilan bog‘liq ma’lumotlarni oshkor qilishni istamasligini ham bildirdi.

Otabek Mirzaxolov va Dilshod Mirzamurodov yangi obrazda yangi ijod namunasini tayyorlamoqda.

Yulduz Usmonova “Zamon” dasturiga bergan intervyusida san’atda kimni o‘ziga raqobatchi deb bilishi haqidagi savolga javob berdi.

“Raqobatchi deydigan odam qolmadi. Ming afsuski, hammaning o‘lchovi to‘ylar bo‘lib qoldi”, — deydi Yulduz Usmonova.

Muqaddas Sa’dullayeva turmush o‘rtog‘i va farzandlarining suratini sahifasiga joyladi.

Shahzoda Matchonova 17-fevral kuni qizalog‘i Raniyaning bir yoshga to‘lishi munosabati bilan poytaxtdagi restoranlardan birida katta tantana tashkillashtirdi. Tug‘ilgan kunda O‘zbekiston xalq artisti Yulduz Usmonova, xonanda Ziyoda qo‘shiq kuyladi. Bundan tashqari, ko‘plab shou-biznes vakillari o‘z farzandlari bilan bayramda ishtirok etdi.