Instagram: Amerika va Dubayga ketgan san’atkorlar, Shahzoda Matchonovaning qiziga atab qo‘shiq kuylagan Nilufar Usmonova, yangi uyga ko‘chgan Otabek Mirzaxolov

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.

Shahzoda o‘g‘li Xalid bilan tushgan suratini “Yumor hissi bizning suyanchimiz”, deya izohladi.

Xonanda Lola oilasi bilan Maldiv orollarida hordiq chiqarmoqda. U kuzatuvchilariga imkon qadar farzandlariga yangi mamlakatlarni ko‘rsatib, ularning dunyoqarashini o‘stirishni maslahat berdi.

Aktrisa Asal Abdullayeva o‘ziga kelinlik libosini tanlayotgani aks etgan videoni sahifasiga joyladi.

Sardor Toirovning xonadonida 22 yil deganda yana chaqaloq ovozi jarangladi.

Aziz Rametov to‘yga tayyorgarlik jarayoni qanday ketayotganini muxlislariga ko‘rsatdi.

Dildora Niyozova jajji muxlisalari bilan tushgan suratini sahifasiga joyladi.

Rayhon egizak farzandlari va singlisi bilan Dubayda dam olmoqda.

Munisa Rizayeva ham ayni paytda Dubayda bo‘lib turibdi.

Bollivud aktrisasi Madhuri Dikshit muxlislariga yangi surat bilan ko‘rinish berdi.

Yulduz Usmonova yangi “Yomg‘ir” deb nomlangan qo‘shig‘ini muxlislari e’tiboriga havola etdi.

Xonanda Sevinch 17-fevral kuni tavallud ayyomini nishonlayotgan otasini tabrikladi.

Xonanda Nilufar Usmonova dugonasi Shahzoda Matchonovaning qizi Raniyaning bir yoshga to‘lishi munosabati bilan unga atab qo‘shiq kuyladi.

Shahzoda Matchonova Nilufar Usmonovaga qo‘shiq uchun minnatdorlik bildirdi. “Azizam, senga qalbimdagi hislarimni ushbu chiroyli qo‘shiqda mujassam qilganing uchun rahmat aytaman. Ushbu qo‘shiq turmush o‘rtog‘im va qizimga bag‘ishlanadi”, — deydi aktrisa.

Yulduz Turdiyeva va komik Ozod Xurramov Amerika qo‘shma shtatlariga konsert berish uchun jo‘nab ketdi.

Ozod kuzatuvchilari uchun Nyu-Yorkdan reportaj tayyorladi.

“Bravo” kulgi jamoasi a’zosi Otabek Mirzaxolov yangi xonadonga ko‘chdi. Shahlo Zoirova hamkasbining uyiga mehmonga bordi.