Germaniya kansleri Olaf Shols Ukrainaga 150 million yevro miqdorida kredit ajratilishini e’lon qildi. Bu haqda “Interfaks” xabar berdi.
“Men bugun joriy moliyaviy kreditga bog‘liq bo‘lmagan 150 million yevro tezkorlik bilan to‘lab berilishini mamnuniyat bilan e’lon qilaman”, – degan Shols Kiyevda Ukraina prezidenti Vladimir Zelenskiy bilan o‘tkazilgan muzokaralardan keyin bo‘lib o‘tgan matbuot anjumanida.
Shols Germaniyaning Ukrainani ko‘p yillar davomida so‘z bilan ham amalda ham qo‘llab-quvvatlab kelayotganini qayd etgan.
“Dunyodagi hech bir mamlakat oxirgi sakkiz yil ichida moliyaviy tomondan Ukrainani bizchalik qo‘llab-quvvatlamagan. Ushbu yo‘l bilan Ukraina iqtisodiyotini yanada barqaror va xorij ta’siridan mustaqil bo‘lishiga hissa qo‘shdik. Bu yo‘ldagi ko‘mak ishlarini yana davom ettirishimizni ishonch bilan ayta olaman”, – deya qo‘shimcha qilgan kansler.
Mavzuga doir:
AQSh 2021-yilda Ukrainaga jami 650 million dollarlik harbiy yordam ko‘rsatgan. Mamlakat 2014-yildan buyon AQShdan umumiy qiymati 2,7 milliard dollarga teng yordam olgan.
Izoh (0)