Futbol bo‘yicha Italiya A Seriyasining 25-turida “Roma” 13-fevral, yakshanba kuni “Sassuolo” maydonida mehmon bo‘ldi.
Birinchi bo‘limning qo‘shib berilgan daqiqalarida Temmi Abraham penaltini aniq amalga oshirgan holda, rimliklarni oldinga olib chiqdi. Ikkinchi bo‘lim debyutida maydon egalari muvozanatni tiklashga muvaffaq bo‘ldi.
“Roma”ning o‘zbekistonlik futbolchisi Eldor Shomurodov uchrashuvning 69-daqiqasida zaxiradan maydonga tushdi. 73-daqiqada Hamed Traore “Sassuolo”ning ikkinchi golini urdi. 78-daqiqaga kelib mezbonlar bir o‘yinchi kam bo‘lib qoldi: Janmarko Ferrari ikkinchi sariq kartochkasini olib, maydonni tark etdi. Hakam tomonidan qo‘shib berilgan vaqtda Brayan Kristante hisobni tenglashtirdi.
“Roma” 40 ochko bilan 7-o‘rinda bormoqda. Joze Mourinyo jamoasi keyingi turda “Verona”ga qarshi bahs olib boradi.
A Seriya musobaqa jadvali, o‘yinlar taqvimi va to‘purarlar ro‘yxati shu yerda — ko‘rish.
A Seriya
25-tur bahsi
13-fevral, yakshanba
“Sassuolo” — “Roma” 2:2
Gollar: 0:1 – 45+1, penalti Abraham, 1:1 – 47, avtogol Smolling, 2:1 – 73 Traore, 2:2 – 90+4 Kristante.“Sassuolo”: Konsilyi, Myuldyur, Kirikesh, Ferrari, Kiryakopulos, Lopes, Frattezi (Ayhan, 80), Mateus Enrike (Harrui, 67), Traore, Defrel (Ruan, 80), Berardi (Seyde, 84).
“Roma”: Ruy Patrisiu, Karsdorp (Karles Peres, 83), Smolling, Manchini (Veretu, 77), Kumbula, Vinya (Meytlend-Naylz, 76), Mxitaryan, Serjiu Oliveyra (Kristante, 69), Pellegrini, Abraham, Afena-Gyan (Shomurodov, 69).
Ogohlantirishlar: Ferrari (19), Manchini (21), Lopes (45), Berardi (45), Kumbula (83).
Chetlatish: Ferrari (78).
Izoh (0)