Pekin—2022. Komiljon To‘xtayev gigant slalom bahslarida top-30 likdan joy oldi

Pekin—2022 qishki Olimpiadasining 9-kunida tog‘ chang‘isi bo‘yicha gigant slalom musobaqasi bo‘lib o‘tdi.

Unda Olimpiadada O‘zbekiston nomidan qatnashayotgan yagona sportchi — Komiljon To‘xtayev ishtirok etdi.  Birinchi startdan so‘ng 35-natijani qayd etgan To‘xtayev yakunda 29-pog‘onani band etdi.

G‘oliblik shveysariyalik Marko Odermattga nasib etdi. Sloveniya sharafini himoya qilgan Jan Kranets ikkinchi o‘rinni band qilgan bo‘lsa, Fransiya vakili Matyo Fevr kuchli uchlikka yakun yasadi.