Футбол бўйича Италия А Сериясининг 25-турида «Рома» 13 февраль, якшанба куни «Сассуоло» майдонида меҳмон бўлди.
Биринчи бўлимнинг қўшиб берилган дақиқаларида Тэмми Абраҳам пенальтини аниқ амалга оширган ҳолда, римликларни олдинга олиб чиқди. Иккинчи бўлим дебютида майдон эгалари мувозанатни тиклашга муваффақ бўлди.
«Рома»нинг ўзбекистонлик футболчиси Элдор Шомуродов учрашувнинг 69-дақиқасида захирадан майдонга тушди. 73-дақиқада Ҳамед Траоре «Сассуоло»нинг иккинчи голини урди. 78-дақиқага келиб мезбонлар бир ўйинчи кам бўлиб қолди: Жанмарко Феррари иккинчи сариқ карточкасини олиб, майдонни тарк этди. Ҳакам томонидан қўшиб берилган вақтда Брайан Кристанте ҳисобни тенглаштирди.
«Рома» 40 очко билан 7-ўринда бормоқда. Жозе Моуриньо жамоаси кейинги турда «Верона»га қарши баҳс олиб боради.
А Серия мусобақа жадвали, ўйинлар тақвими ва тўпурарлар рўйхати шу ерда — кўриш.
А Серия
25-тур баҳси
13 февраль, якшанба
«Сассуоло» — «Рома» 2:2
Голлар: 0:1 – 45+1, пенальти Абраҳам, 1:1 – 47, автогол Смоллинг, 2:1 – 73 Траоре, 2:2 – 90+4 Кристанте.«Сассуоло»: Консильи, Мюльдюр, Кирикеш, Феррари, Кирьякопулос, Лопес, Фраттези (Айҳан, 80), Матеус Энрике (Ҳарруи, 67), Траоре, Дефрел (Руан, 80), Берарди (Сейде, 84).
«Рома»: Руй Патрисиу, Карсдорп (Карлес Перес, 83), Смоллинг, Манчини (Верету, 77), Кумбула, Виня (Мэйтленд-Найлз, 76), Мхитарян, Сержиу Оливейра (Кристанте, 69), Пеллегрини, Абраҳам, Афена-Гьян (Шомуродов, 69).
Огоҳлантиришлар: Феррари (19), Манчини (21), Лопес (45), Берарди (45), Кумбула (83).
Четлатиш: Феррари (78).
Изоҳ (0)