“Gazprombank” O‘zbekistondagi Samarqand xalqaro aeroportini modernizatsiya qilish va boshqarish loyihasini moliyalashtirishda ishtirok etish imkoniyatlarini ko‘rib chiqmoqda.
Loyiha doirasidagi davlat-xususiy sherikligi (DXSh) kelishuvi 2021-yil 22-sentabrda Uzbekistan Airports AJ (davlat hamkori) va Air Marakanda MChJ (xususiy sherik) o‘rtasida imzolangan.
Hozirgi vaqtda loyiha moliyaviy yopilish bosqichiga o‘tish uchun tayyorgarlikni yakunladi. 2022-yil 7-fevralda DXSh bitimi tomonlari loyihani amalga oshirishning eng muhim va asosiy shartlarini belgilab oldi.
Qayd etilishicha, “Gazprombank” ham ushbu tashabbusni amalga oshirishda Air Marakanda MChJ ishtirokining moliyaviy va tijorat jihatlari bo‘yicha moliyaviy maslahatchi hisoblanadi.
Loyihaning umumiy budjeti 83 million dollardan oshadi. Ushbu mablag‘ga Samarqand shahridagi aeroportni har tomonlama rivojlantirish, aeroport infratuzilmasini qurish, keyinchalik ishga tushirish ko‘zda tutilgan.
Yangi xalqaro yo‘lovchi terminalining ishga tushirilishi 2022-yilning 1-choragida rejalashtirilgan.
Loyiha O‘zbekistondagi eng yirik EPC pudratchilaridan biri — Enter Engineering tomonidan amalga oshirilmoqda.
Samarqand aeroporti respublika havo transporti sanoati uchun strategik ahamiyatga ega. Ushbu tashabbus ishtirokchilarining sa’y-harakatlari tufayli aeroport yangi rivojlanish bosqichiga ko‘tarilishi aytilmoqda.
“Loyihaning amalga oshirilishi butun mamlakat bo‘ylab barqaror iqtisodiy o‘sishni ta’minlash, jumladan, respublikaga turistlar oqimini ko‘paytirish, sarmoyaviy jozibadorlik va umuman farovonlikni oshirishga xizmat qiladi. “Gazprombank” ushbu loyihada ishtirok etishdan manfaatdor, bu O‘zbekiston davlat-xususiy sheriklik bozori uchun muhim voqea bo‘lishini va’da qilmoqda”, — deydi “Gazprombank” boshqaruvi raisi o‘rinbosari Aleksey Belous.
Modernizatsiya aeroportning yo‘lovchi tashish hajmini bosqichma-bosqich yiliga 1,5 million yo‘lovchiga yetkazadi va shaharni joriy yilning sentabr oyida bo‘lib o‘tadigan Shanxay hamkorlik tashkiloti (ShHT) sammitini munosib kutib olishini ta’minlaydi.
Fuqaro aviatsiyasi sohasida davlat-xususiy sheriklik to‘g‘risidagi shartnoma O‘zbekistonda ilk bor tuzilmoqda. Hamkorlikning bunday formati xalqaro amaliyotda o‘zini oqlagan. Chunki ikki tomonning resurslarini birlashtirish aeroport infratuzilmasini yaxshilashga, yangi yondashuvlarni topishga yordam beradi.
“Gazprombank” investitsiya hamkori loyihasida ishtirok etish O‘zbekiston Respublikasining ta logistika sohalari rivojlanayotgan ulkan salohiyatidan dalolat beradi”, — deydi Air Marakanda MChJ direktori G‘ayrat Ne’matov.
Oktabr oyida Samarqand aeroporti bir oyga yopilgan edi. Avvalroq 2021-yilning iyul oyida Samarqand aeroportiga yangi direktor tayinlangan edi.
Izoh (0)