Andijon xalqaro aeroporti direktori lavozimini egallab turgan Saydullo To‘xtasinov lavozimidan olingan Murodjon Jamolov o‘rniga Samarqand xalqaro aeroporti direktori etib tayinlandi. Bu haqda “Gazeta.uz”ga Uzbekistan Airports matbuot xizmati xabar berdi.
Tegishli qaror 6-iyul kuni rais Ra’no Jo‘rayeva rahbarligidagi Uzbekistan Airports boshqaruv kengashining sayyor yig‘ilishida qabul qilingan. Yig‘ilishda, shuningdek, Samarqand aeroportini 2022-yil mayida Shanxay hamkorlik tashkiloti sammitiga xizmat ko‘rsatishga tayyorlash masalasi muhokama qilingan.
“Bugun biz yangi direktor tayinladik, bundan keyin biz jamoamizni yirik sammitlar paytida aeroportda xizmat ko‘rsatish tajribasiga ega xorijiy mutaxassislar bilan yanada kuchaytiramiz”, — degan Ra’no Jo‘rayeva.
Uzbekistan Airports rahbari yaqin kelajakda Air Marakanda bilan davlat-xususiy sheriklik shartnomasi imzolanishini e’lon qildi.
Eslatib o‘tamiz, Samarqand aeroportini 80 million dollar investitsiya kiritishi kerak bo‘lgan Air Marakanda xorijiy kompaniyasi boshqaruviga o‘tkazilish rejalashtirilgan. Hukumat kompaniyaga DXSh shartnomasini tendersiz tuzishga ruxsat bergan.
Samarqandning yangi xalqaro aeroportini 1-sentabrda foydalanishga topshirilishi rejalashtirilgan. Loyiha yangi yo‘lovchilar terminali, uchish-qo‘nish yo‘lagi va 26 ta samolyotlar turargohlari qurilishini nazarda tutadi. Bugungi kunga kelib, uzunligi 3105 metr va eni 60 metr bo‘lgan uchish-qo‘nish yo‘lagining qurilishi yakunlangan.