Давлат статистика қўмитаси 2022 йил январь ойи бўйича Ўзбекитонда қайд этилган никоҳлар ҳақида маълумот берди.
Таъкидланишича, январь ойида республика бўйича 20 минг 428 та никоҳ ҳолати қайд этилган. Бу ўтган йилнинг январь ойига нисбатан 725 тага кўп.
Энг кўп никоҳ Қашқадарё вилоятида қайд этилган. Ҳудудлар кесимида қуйидагича:
- Қорақалпоғистон – 1498 та;
- Андижон вилояти – 1769 та;
- Бухоро вилояти – 1320 та;
- Жиззах вилояти – 701 та;
- Қашқадарё вилояти – 2380 та;
- Навоий вилояти – 386 та;
- Наманган вилояти – 1412 та;
- Самарқанд вилояти – 2359 та;
- Сурхондарё вилояти – 1930 та;
- Сирдарё вилояти – 427 та;
- Тошкент вилояти – 1276 та;
- Фарғона вилояти – 1830 та;
- Хоразм вилояти – 2118 та;
- Тошкент шаҳри – 1022 та.
Эслатиб ўтамиз, Ўзбекистонда 2022 йил 1 январь ҳолатига кўра, доимий аҳоли сони 35 271,3 минг кишини ташкил этиб, 2021 йил 1 январга нисбатан 712,4 минг кишига ёки 2,1 фоизга кўпайган. 2021 йилда Ўзбекистон бўйича 305 082 та никоҳ, 39 227 та никоҳдан ажралиш ҳолатлари қайд этилган.
Аввалроқ Ўзбекистоннинг қайси вилоятида доимий аҳоли сони энг кўплиги маълум қилингани, 2021 йилнинг дастлабки 11 ойида 276,9 мингта никоҳ тузилгани, 2021 йил 1 декабрь ҳолатига кўра, Ўзбекистонда йил бошидан буён 832,4 минг нафар туғилиш ҳолати қайд этилгани тўғрисида хабар берилганди. Бундан ташқари, қўмита доимий аҳолининг ёш таркиби бўйича тақсимланиши ҳақида маълумот берганди. Келтирилган маълумотга кўра, Ўзбекистон аҳолиси сонида 0-4 ёшлилар энг кўп, 85 ва ундан катталар эса озчиликни ташкил этади.
Изоҳ (0)