Shahar markazida oylik ijaraga beriladigan bir xonali uylar narxi bo‘yicha mamlakatlar reytingi e’lon qilindi.
Reytingda O‘zbekiston 107 davlat orasida 77-o‘rinni egalladi. O‘zbekistonda shahar markazida bir xonali uy uchun oylik ijara narxi — 322,27 dollar.
Ijara uchun eng qimmat uylar Gonkong, Singapur va BAAda, eng arzoni esa Nepalda ko‘rsatilgan.
MDH davlatlari orasida eng arzon ijara narxlari Ozarbayjonda qayd etilgan — oyiga 266,3 dollar. Rossiyada oylik ijara haqi 412,51 dollar bo‘lsa, Armanistonda — 396,74 dollar, Ukrainada — 366,11 dollar, Belarusda — 306,17 dollar, Qozog‘istonda — 303,85 dollarni tashkil etadi.
O‘zbekiston va boshqa mamlakatlarda ipoteka shartlari qanday?
O‘zbekistonda qayta moliyalashtirish stavkasi yuqoriroq ko‘rsatkichni – 14 foizni ko‘rsatmoqda. Rossiyada ushbu ko‘rsatkich 8,5 foizga teng bo‘lsa, Qozog‘istonda 10,2 foizni, Qirg‘izistonda esa 8 foizni tashkil qilmoqda.
O‘zbekistondagi yillik o‘rtacha foiz stavkasi 17,5 foiz bo‘lib, Rossiyada bu ko‘rsatkich 7,7 foiz, Qozog‘istonda 8,4 foiz, Qirg‘izistonda esa 12,8 foiz etib belgilanmoqda.
O‘zbekistonda ipoteka qarzi olishning o‘rtacha muddati 17,1 yilni tashkil qilmoqda. Eng kam muddat (9 yil) Qozog‘istonda ekanligi ta’kidlanmoqda. Qirg‘izistonda nisbatan ko‘proq – 9,8 yilni, Rossiyada esa eng ko‘pi – 20,9 yilni ko‘rsatmoqda.
Eng uzoq muddatli kreditlar ham Rossiyada (30 yil). Qozog‘iston va Qirg‘izistonda eng ko‘pi bilan 25 yilga, O‘zbekistonda esa 20 yilga borib taqaladi.
Izoh (0)