Sirdaryo viloyati Guliston tumanida fuqaroga 15 kun muddatda haydovchilik guvohnomasini olib berishni va’da qilgan firibgarlar ushlandi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departament hamda Davlat xavfsizlik xizmatining Guliston tumani bo‘limlari tomonidan tezkor tadbir o‘tkazilgan. Unda fuqaro I.B. boshqa bir fuqaro M.ga o‘quv darslari va imtihonga qatnashmasdan, S. ismli tanishi orqali V, S toifadagi haydovchilik guvohnomasini 15 kun muddatda olib berishini aytgani aniqlangan.
U xizmati evaziga 350 dollarni olgan vaqtida ushlangan. Uning ko‘rsatuviga asosan davom etgan tadbirda sherigi M.Sh. 250 dollarni olgan vaqtida ashyoviy dalillar bilan qo‘lga olingan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Farg‘onada fuqaroni 1200 dollar evaziga IIV litseyiga kiritib qo‘ymoqchi bo‘lgan shaxs ushlandi
- Surxondaryoda fuqaroga haydovchilik guvohnomasini imtihonlarsiz olib bermoqchi bo‘lgan inspektor ushlandi
- Buxoroda hokimlikning soxta xodimi fuqaroga bepul uy olib berish uchun 2 ming dollar olgani aniqlandi
Izoh (0)