Buyuk Britaniyada Angliya qiroli Genrix VIII yashagan uy sotuvga qo‘yildi. Ko‘chmas mulk 15 million funt sterling (20,2 million dollar)ga baholangan, deb yozadi Mansion Global.
Sotuv ishlari bilan shug‘ullanuvchi Knight Frank’s Guildford ofisining rahbari Tim Xarrisning aytishicha, Surrey qishlog‘ida joylashgan uy, taxminan, 1000 yildan beri mavjud.
“Uning ayrim joylari 500 yoshda — siz bu yerda tarixga tushib qolgandek bo‘lasiz, lekin zerikmaysiz. Bu uy zamonaviy oilaviy hayotga moslashtirilgan, muzeyda ekaningiz sezilmaydi ham. Balki, oshirib yuborgandirman, lekin menimcha, bu haqiqatan ham ajoyib muhit, boshqacha tuyg‘u”, — deydi Xarris.
Knight Frank ma’lumotlariga ko‘ra, bu yer, taxminan, 1537-yilda Genrix VIII ga o‘tgan, u esa yerdan 1558-yilda qizi qirolicha Mariya mulkni o‘z kansleri, York arxiyepiskopi Nikolay Xitga sotgunga qadar foydalangan.
Tarixiy Angliya merosini muhofaza qilish tashkilotiga ko‘ra, taxminan, 790 kvadrat metrlik uy II darajali ro‘yxatga kiritilgan, bu mulkning alohida qiziqishlarga sabab bo‘lishini ko‘rsatadi. Uyda bir nechta qabulxonalar, ovqatlanish xonasi, ofis, vino yerto‘lasi va sakkizta yotoqxona, jumladan, shkaf bilan jihozlangan lyuks yotoqxona mavjud. Shuningdek, uy atrofida suzish havzasi, tennis korti, kichik bog‘ va otxonalar mavjud.
Genrix VIII — 1509-yil 22-apreldan Angliya qiroli bo‘lgan, u Angliya qiroli Genrix VII ning o‘g‘li va vorisi, Tyudorlar sulolasidan ikkinchi ingliz monarxi edi. U qirollik aholisini, asosan, protestantlarga aylantirgan ingliz islohotidagi bevosita ishtiroki va nasroniylar uchun yot bo‘lgan nikohlari soni bilan mashhur — qirolning jami olti nafar xotini bo‘lgan, ulardan ikki nafarining javobini berib yuborgan, yana ikki nafarini xiyonatda ayblab, qatl qildirgan.
Izoh (0)