Angliya Premyer Ligasi yanvar oyining eng yaxshilari nomini ma’lum qildi.
“Vulverhempton” ustozi Brunu Laje Angliya Premyer Ligasining yanvar oyidagi eng yaxshi murabbiyi deb topildi. Portugaliyalik mutaxassis qo‘l ostida “bo‘rilar” 3 ta o‘yinda 3 ta g‘alaba qayd etdi.
Lajedan tashqari eng yaxshi murabbiy bo‘lish uchun Pep Gvardiola (“Manchester Siti”, 3 g‘alaba va bitta durang), Yurgen Klopp (3 g‘alaba va bitta durang) va Din Smit (“Norvich”, 2 g‘alaba va bitta mag‘lubiyat) kabi murabbiylar kurash olib bordi.
“Manchester Yunayted” darvozaboni David de Xea esa yanvar yakunlariga ko‘ra, oyning eng yaxshi futbolchisi deb topildi. 31 yoshli posbon yanvar oyida 4 ta o‘yinda ishtirok etib, o‘z darvozasidan 4 ta gol olib chiqdi va 22 ta seyv amalga oshirdi.
Ispaniyalik darvozabon faoliyati davomida ilk bor Premyer Liganing oy futbolchisi sovrinini qo‘lga kiritdi.
De Xeadan tashqari ushbu sovrin uchun Kevin de Bryuyne (“Manchester Siti”, 3 o‘yinda 1 ta gol va 1 ta golli uzatma), Jerrod Bouen (“Vest Hem”, 4 o‘yinda 3 ta gol), Jek Harrison (“Lids”, “Vest Hem”ga qarshi o‘yinda het-trik), Joau Moutinyo (“Vulverhempton”, 3 o‘yinda 2 ta gol va bitta golli uzatma) va Jeyms Uord-Prouz (“Sauthempton”, 3 o‘yinda 1 ta gol va 1 ta golli uzatma) kabi futbolchilar da’vogar edi.
Izoh (0)