Англия Премьер Лигасида январь ойининг энг яхшилари аниқланди

Англия Премьер Лигаси январь ойининг энг яхшилари номини маълум қилди.

«Вулверҳэмптон» устози Бруну Лаже Англия Премьер Лигасининг январь ойидаги энг яхши мураббийи деб топилди. Португалиялик мутахассис қўл остида «бўрилар» 3 та ўйинда 3 та ғалаба қайд этди.

Лажедан ташқари энг яхши мураббий бўлиш учун Пеп Гвардиола («Манчестер Сити», 3 ғалаба ва битта дуранг), Юрген Клопп (3 ғалаба ва битта дуранг) ва Дин Смит («Норвич», 2 ғалаба ва битта мағлубият) каби мураббийлар кураш олиб борди.

«Манчестер Юнайтед» дарвозабони  Давид де Хеа эса январь якунларига кўра, ойнинг энг яхши футболчиси деб топилди. 31 ёшли посбон январь ойида 4 та ўйинда иштирок этиб, ўз дарвозасидан 4 та гол олиб чиқди ва 22 та сейв амалга оширди.

Испаниялик дарвозабон фаолияти давомида илк бор Премьер Лиганинг ой футболчиси совринини қўлга киритди.

Де Хеадан ташқари ушбу соврин учун Кевин де Брюйне («Манчестер Сити», 3 ўйинда 1 та гол ва 1 та голли узатма), Жеррод Боуэн («Вест Ҳэм», 4 ўйинда 3 та гол), Жек Ҳаррисон («Лидс», «Вест Ҳэм»га қарши ўйинда ҳет-трик), Жоау Моутинё («Вулверҳэмптон», 3 ўйинда 2 та гол ва битта голли узатма) ва Жеймс Уорд-Проуз («Саутҳэмптон», 3 ўйинда 1 та гол ва 1 та голли узатма) каби футболчилар даъвогар эди.