“Barselona” yarim himoyachi Adama Traorening klubga qaytganini e’lon qildi.
Kataloniya rasmiy saytiga ko‘ra, “Vulverhempton” futbolchisi mavsum so‘ngiga qadar ijaraga olingan. Shuningdek, shartnomada uni 30 million yevroga sotib olish haqida band mavjud. “Ko‘k-anorranglilar” Traorening maoshini to‘liq to‘lab beradi.
Avvalroq “Tottenhem” yarim himoyachini qishki transfer oynasida o‘z safiga qo‘shib olmoqchi ekanligi va shartnoma, taxminan, 20 million funtga baholanayotgani haqida xabarlar yangragandi.
Ma’lumot uchun, Adama “Barselona” akademiyasi tarbiyalanuvchisi hisoblanadi. U 2015-yilda “Barselona”ni tark etib, Angliyada faoliyat yuritayotgandi. Traore 2021/22-yilgi mavsumda Angliya Premyer Ligasida 20 o‘yinda maydonga tushib, o‘z nomiga bitta gol yozdirib qo‘ydi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)