Фарғона вилоятида фуқароларни Ички ишлар вазирлиги академик лицейига ўқишга киритиб қўйишни ваъда қилган фирибгар аниқланди, дея хабар бермоқда Бош прокуратура ҳузуридаги Иқтисодий жиноятларга қарши курашиш департаменти.
Департаментнинг Фарғона вилоят бошқармаси томонидан фуқароларнинг ҳуқуқ ва манфаатларини ҳимоя қилиш юзасидан ўтказилган терговга қадар текширувда фуқаро Н.У. фирибгарлик йўли билан даромад орттириш мақсадида фуқаролар — А.Б. ва Э.Т. ни Фарғона шаҳридаги ИИВ академик лицейига ўқишга киритиб қўйиш эвазига уларнинг 1 200 АҚШ долларини қўлга киритгани аниқланган.
Текширув давомида Н.У. олган пуллари ҳисобидан 1 миллион сўмни қайтаргани процессуал тартибда расмийлаштирилган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- Тошкентда тадбиркорга Олий суд орқали ёрдам беришни ваъда қилган шахслар уни 77 минг долларга чув туширди
- Сурхондарёда фуқарога ҳайдовчилик гувоҳномасини имтиҳонларсиз олиб бермоқчи бўлган инспектор ушланди
- Тошкентда ҳокимлик захирасидаги ерни 420 минг долларга сотмоқчи бўлган корхона ходими ушланди
Изоҳ (0)