NASA Venera sayyorasini tadqiq etish yo‘lida yangi missiyalarga tayyorgarlik ko‘rayotganini e’lon qildi

NASA Venera sayyorasini o‘rganish uchun yangi missiyaga tayyorgarlik ko‘rilayotganini e’lon qildi.

Amerika kosmik agentligi 2030-yilga qadar Veneraga ikkita yangi apparatni uchirishni rejalashtirmoqda. Avvalroq NASA rahbariyati Discovery dasturi doirasida to‘rtta missiya qo‘llab-quvvatlanishini aniqlab olgandi. Ular orasida Yupiter va Neptun tabiiy yo‘ldoshlariga uzoq masofaga mo‘ljallangan kichik zondlarni yuborish loyihalari ham bor edi. Biroq oxir-oqibat tanlov uning ikki raqibida to‘xtagan — Venerani tadqiq etishga qaratilgan loyihalar bo‘lib, ular moliyalashtiriladi va 2028- hamda 2030-yillarda ishga tushirilishi kerak.

Loyihalarning birinchisi — Davinci+ missiyasida Venera atmosferasiga qadar pastlay oladigan tushuvchi apparatdan foydalaniladi. Rejaga ko‘ra u mahalliy atmosfera bilan nima sodir bo‘lganini yaxshiroq aniqlash maqsadida gaz va boshqa moddalar tarkibini aniq o‘lchaydi.

Veritas nomini olgan ikkinchi missiya sayyoraning topografik tadqiqotiga qaratilgan. Sintetik apertudali radar bilan jihozlangan orbital apparat Veneraning quyuq tumanlarini chetlab o‘tib, deyarli butun sayyora yuzasining birinchi uch o‘lchamli xaritasini tuzadi.

Mutaxassislarning fikricha, Venerani o‘rganish Yer va Quyosh tizimidan tashqaridagi kosmik obyektlarga oid bilimlarni orttirishga xizmat qiladi.

Avvalroq NASA birinchi kosmik muzlatkich yaratgani, Marsdagi NASA vertolyoti to‘rtinchi parvozini amalga oshira olmagani, kosmik agentlik qizil sayyorada paydo bo‘lgan “kamalak” yuzasidan izoh bergani to‘g‘risida xabar berilgandi.