NASA Венера сайёрасини тадқиқ этиш йўлида янги миссияларга тайёргарлик кўраётганини эълон қилди

NASA Венера сайёрасини ўрганиш учун янги миссияга тайёргарлик кўрилаётганини эълон қилди.

Америка космик агентлиги 2030 йилга қадар Венерага иккита янги аппаратни учиришни режалаштирмоқда. Аввалроқ NASA раҳбарияти Discovery дастури доирасида тўртта миссия қўллаб-қувватланишини аниқлаб олганди. Улар орасида Юпитер ва Нептун табиий йўлдошларига узоқ масофага мўлжалланган кичик зондларни юбориш лойиҳалари ҳам бор эди. Бироқ охир-оқибат танлов унинг икки рақибида тўхтаган — Венерани тадқиқ этишга қаратилган лойиҳалар бўлиб, улар молиялаштирилади ва 2028- ҳамда 2030 йилларда ишга туширилиши керак.

Лойиҳаларнинг биринчиси — Davinci+ миссиясида Венера атмосферасига қадар пастлай оладиган тушувчи аппаратдан фойдаланилади. Режага кўра у маҳаллий атмосфера билан нима содир бўлганини яхшироқ аниқлаш мақсадида газ ва бошқа моддалар таркибини аниқ ўлчайди.

Veritas номини олган иккинчи миссия сайёранинг топографик тадқиқотига қаратилган. Синтетик апертудали радар билан жиҳозланган орбитал аппарат Венеранинг қуюқ туманларини четлаб ўтиб, деярли бутун сайёра юзасининг биринчи уч ўлчамли харитасини тузади.

Мутахассисларнинг фикрича, Венерани ўрганиш Ер ва Қуёш тизимидан ташқаридаги космик объектларга оид билимларни орттиришга хизмат қилади.

Аввалроқ NASA биринчи космик музлаткич яратгани, Марсдаги NASA вертолёти тўртинчи парвозини амалга ошира олмагани, космик агентлик қизил сайёрада пайдо бўлган «камалак» юзасидан изоҳ бергани тўғрисида хабар берилганди.