AQSh prezidenti Jo Bayden Boltiq bo‘yi va Sharqiy Yevropa mamlakatlariga bir necha ming harbiy xizmatchi, shuningdek, kema va aviatsiyani joylashtirish imkoniyatini ko‘rib chiqmoqda. Bu haqda Amerika administratsiyasidagi manbalariga tayanib, The New York Times xabar berdi.
Ma’lum qilinishicha, AQSh hukumati Rossiyaning Ukrainaga ehtimoliy “bosqini”dan xavotirda mintaqadagi harbiy ishtirokini oshirishi mumkin.
22-yanvar kuni AQSh prezidentining Kemp-Deviddagi qarorgohida bo‘lib o‘tgan uchrashuvda Pentagon yuqori martabali vakili Baydenga bir nechta harakatlar rejasini taqdim etgan. Ular ming nafardan 5 ming nafargacha harbiy xizmatchini vaziyat yomonlashsa, ular sonini “o‘n barobargacha oshirish” imkoniyati bilan Sharqiy Yevropa davlatlariga yuborishni o‘z ichiga oladi.
Gazeta manbasining so‘zlariga ko‘ra, Bayden shu hafta bu borada tegishli qarorni qabul qiladi.
Nashrning aniqlik kiritishicha, rejalarning birortasiga Ukraina hududiga qo‘shimcha Amerika qo‘shinlarini joylashtirish varianti kiritilmagan. NYT’ning yozishicha, ushbu qadam shu vaqtga qadar Rossiyani provakatsiyaga undashdan qo‘rqib, Ukrainaga nisbatan ehtiyotkorlik pozitsiyasini egallagan Amerika prezidentining administratsiyasi uchun “burilish nuqtasiga” aylanadi. Ammo Rossiya va AQSh vakillari o‘rtasida muzokaralar kerakli natijani bermagan, administratsiya mazkur strategiyadan voz kechishga qaror qilgan.
Avvalroq Jo Bayden Rossiya Ukrainaga nisbatan bosqinchilik harakatini amalga oshirsa, mamlakatni “falokatli oqibatlar” kutayotgani haqida gapirgan edi. Uning so‘zlariga ko‘ra, agarda Ukrainaga bostirib kirilsa, Bayden Rossiya prezidenti Vladimir Putin “hali hech qachon ko‘rmagan sanksiyalarni” joriy etishga va’da bergan. Xususan, AQSh prezidenti Rossiya o‘zining harbiy harakatlari oqibatida “qattiq iqtisodiy oqibatlar”ga duchor bo‘ladi, uning banklari esa dollarlar bilan operatsiyalarni amalga oshira olmay qoladi.
Vashington bir necha bor AQSh va ittifoqchilari Ukraina atrofida vaziyat keskinlashgan taqdirda, Rossiyaga qarshi sanksiyalar joriy etishga tayyorligini bildirgan. Avvalroq Oq uy matbuot kotibi Jen Psaki Rossiya Ukrainaga bostirib kirgan taqdirda, Vashington unga qarshi ilgari e’lon qilingan sanksiyalarning birortasini, jumladan, SWIFT banklararo mablag‘ o‘tkazish tizimidan uzib qo‘yish variantini ham istisno qilmasligini aytgan.
Izoh (0)