АҚШ президенти Жо Байден Болтиқ бўйи ва Шарқий Европа мамлакатларига бир неча минг ҳарбий хизматчи, шунингдек, кема ва авиацияни жойлаштириш имкониятини кўриб чиқмоқда. Бу ҳақда Америка администрациясидаги манбаларига таяниб, The New York Times хабар берди.
Маълум қилинишича, АҚШ ҳукумати Россиянинг Украинага эҳтимолий «босқини»дан хавотирда минтақадаги ҳарбий иштирокини ошириши мумкин.
22 январь куни АҚШ президентининг Кемп-Дэвиддаги қароргоҳида бўлиб ўтган учрашувда Пентагон юқори мартабали вакили Байденга бир нечта ҳаракатлар режасини тақдим этган. Улар минг нафардан 5 минг нафаргача ҳарбий хизматчини вазият ёмонлашса, улар сонини «ўн баробаргача ошириш» имконияти билан Шарқий Европа давлатларига юборишни ўз ичига олади.
Газета манбасининг сўзларига кўра, Байден шу ҳафта бу борада тегишли қарорни қабул қилади.
Нашрнинг аниқлик киритишича, режаларнинг бирортасига Украина ҳудудига қўшимча Америка қўшинларини жойлаштириш варианти киритилмаган. NYT’нинг ёзишича, ушбу қадам шу вақтга қадар Россияни провакацияга ундашдан қўрқиб, Украинага нисбатан эҳтиёткорлик позициясини эгаллаган Америка президентининг администрацияси учун «бурилиш нуқтасига» айланади. Аммо Россия ва АҚШ вакиллари ўртасида музокаралар керакли натижани бермаган, администрация мазкур стратегиядан воз кечишга қарор қилган.
Аввалроқ Жо Байден Россия Украинага нисбатан босқинчилик ҳаракатини амалга оширса, мамлакатни «фалокатли оқибатлар» кутаётгани ҳақида гапирган эди. Унинг сўзларига кўра, агарда Украинага бостириб кирилса, Байден Россия президенти Владимир Путин «ҳали ҳеч қачон кўрмаган санкцияларни» жорий этишга ваъда берган. Хусусан, АҚШ президенти Россия ўзининг ҳарбий ҳаракатлари оқибатида «қаттиқ иқтисодий оқибатлар»га дучор бўлади, унинг банклари эса долларлар билан операцияларни амалга ошира олмай қолади.
Вашингтон бир неча бор АҚШ ва иттифоқчилари Украина атрофида вазият кескинлашган тақдирда, Россияга қарши санкциялар жорий этишга тайёрлигини билдирган. Аввалроқ Оқ уй матбуот котиби Жен Псаки Россия Украинага бостириб кирган тақдирда, Вашингтон унга қарши илгари эълон қилинган санкцияларнинг бирортасини, жумладан, SWIFT банклараро маблағ ўтказиш тизимидан узиб қўйиш вариантини ҳам истисно қилмаслигини айтган.
Изоҳ (0)